Kryetari i grupit parlamentar “Aleanca për ndryshim”, Fatmir Mediu, në një prononcim për mediat është shprehur se nuk do ta votojnë kandidatin për president të propozuar nga PS.
Ndër të tjera, ai tha se e vlerëson Bajram Begajn nga pikëpamja njerëzore sepse e njeh atë personalisht.
“Në emër të kolegëve të mi dua të deklaroj se kemi insistuar që të kemi një proces kushtetues që kërkon një president mbi palët të konsultuara me partitë politike për të arritur konsensusin. Për fatin e keq veprimet kanë qenë të njëanshme. Veprimi që po bëhet është antikushtetues sepse kandidatura nuk u konsultua me partitë politike. Nuk kemi asgjë me kandidatin, nga pikëpamja njerëzore e vlerësojmë. Unë e kam njohur dhe në mënyrë personale. Si ish ministër mbrojtje kam vlerësim për ushtarakët por qëndrimi ynë është se nuk do të marrim pjesë në votim se kërkonte marrëdhënie të palëve pavarësisht se mundet ose jo të bien dakord me njëri-tjetrin”,-tha Mediu.
