Sekretari i Përgjithshëm i Partisë Demokratike Gazment Bardhi shprehet se ish-kryeministri Sali Berisha punon kundër PD dhe demokratëve për zgjedhjet e 6 marsit.
Bardhit thotë se, Berishës nuk i interesojnë demokratët, së bashku me presidentin Ilir Meta po punojnë dhe kundër SHBA.
Sipas sekretari i Përgjithshëm i Partisë Demokratike, çdo votë për koalicionin “Shtëpia e Lirisë” fuqizon kryeministrin Edi Rama.
“Sali Berisha po demaskon veten dita ditës duke sulmuar vetëm Partinë Demokratike dhe demokratët. Asnjë fjalë për kandidatët e Partisë Socialiste në zgjedhjet e 6 Marsit. Vetëm fyerje, sharje, shpifje dhe intimidim për kandidatët e Partisë Demokratike. Betejën e ka me PD dhe demokratët, jo me regjimin e Edi Ramës. Këtë metodë ka futur edhe tek ato pak njerëz që i shkojnë nga pas në 6 bashkitë. Nuk i interesojnë demokratët, nuk u intereson fitorja e tyre, i intereson vetëm të furnizojë me “karburant” revolucionin e tij imagjinar bashkë me Ilir Metën kundër SHBA. Çdo votë për “Shtëpinë e Ilirit” është votë kundër demokratëve, kundër PD, dhe votë që fuqizon pushtetin e Edi Ramës.”- shkruan Bardhi në “Facebook”./Opinion.al
