Pas 11 ditësh ku zjarret në Vlorë kanë djegur mallet dhe kodrat në disa fshatra të qytetit dhe kanë dëmtuar rëndë florën dhe faunën, Ministri i Mbrojtjes Niko Peleshi është shfaqur në Orikum.
Peleshi ka bërë një përmbledhje të shkurtër të situatës në vend duke u shprehur se tashmë problem është vetëm gadishulli i Karaburunit, ndërkohë që ka ngushëlluar fqinjët në Turqi.
Peleshi gjatë fjalës së tij e ka konsideruar një operacion të realizuar me sukses shuarjen e zjarreve, duke theksuar se nuk kemi pasur humbje jete, si fqinjët tanë.
“FA janë në të gjithë territorin që në ditën e parë kur ka filluar kjo stinë e nxehtë, komandanti i bazës ka bërë një punë shumë të mirë. Duke qenë se rrezikun akoma e kemi prezent, do të vazhdojmë punën me intensitet dhe presim të shuajmë flakët në pak orë. Por siç e thatë ju kushtet e motit janë të të paparashikueshme. Solidarizohem me vendet fqinj, me Greqinë dhe Turqinë, por sidomos me shtetin turk.
Dua të shpreh ngushëllime dhe të solidarizohem me vendet fqinje, që si rajoni jonë janë përfshirë nga zjarre të shumta, por atje në ndryshim nga ne ka pasur humbje jete, lëndime. Solidarizohemi me ta dhe shprehim ngushëllime për të gjithë familjarët e viktimave. Deri tani e kemi menaxhuar me sukses, ne skemi pasur humbje jete të lënduar dhe as zjarr banesa. Situata e rënduar ku rrezikoheshin dhe banesat ishte në Ksamil, por fatmirësisht zjarret atje janë neutralizuar”, tha Peleshi.
E vetmja vatër serioze në flakë dhe që po mbahet nën kontroll thotë ministri është Karaburuni, të tjerat nuk janë serioze.
“Pushteti vendor ka pasur dhe vullnetarë kemi tejkaluar dhe situatën e vështirë në 2 fshatra të Fierit, në orët e para të mëngjesit është fikur edhe zjarri në Mamurras. E vetmja vatër serioze ka mbetur Karaburini duke përjashtuar disa vatra të tjera që nuk përbëjnë më problem.
Kemi shmangur prekjen e parkut të Llogarasë. Helikopteri ka dhënë impakt të kosiderueshëm por duhet thënë se puna njerëzore është e pazëvendësueshme. PunA që kanë bërë FA është e pazëvendësueshme në këtë zonë ku flakët kërcënuan dhe banzën e Pashalimanit. E vetmja vatër aktive serioze është Karaburuni ku jemi të përqendruar me mjete ajrore dhe tokësore, kemi 200 efektivë të FA”, tha Peleshi.
Bëjmë me dije se 300 hektarë pyje dhe kullota janë djegur në Tragjas, në Kuç ndërkohë që në Karaburun vijon të digjet kurora e gjelbër dhe kafshët që jetojnë aty./Opinion.al
