Shqipëria ishte një nga 26 shtetet finaliste të festivalit europian “Eurovision 2021”, ku ka performuar e dyta në radhë. Këngëtarja Anxhela Peristeri, e cila përfaqësoi Shqipërinë me këngën ‘Karma’, u rendit në vendin e 21-të, me 57 pikë në total. Por përveç Peristerit, një tjetër shqiptar ka marrë pjesë në këtë edicion të 65-të të Eurovision.
Gjon Muharremaj, konkurrenti i Zvicrës në Eurovision, i cili është me origjinë shqiptare, ka zgjedhur një formë mjaft të veçantë për të festuar në momentin e vlerësimit. Kur juria shqiptare e vlerësoi atë me 12 pikë, Muharremaj festoi duke bërë shqiponjën.
Muharremaj i njohur me emrin e artit, Gjon’s Tears u përfaqësua në këtë kompeticion me këngën me titull ‘ Tout l’Univers’. Ai arriti të sigurojë votat e jurisë, duke u renditur i parë, nga vota e 39 shteteve me 267 pikë, por ishte vota e publikut ajo që përcaktoi fituesin, duke e zbritur atë në vendin e tretë. I lindur në Zvicër, Gjon Muharremaj është më origjinë shqiptare, babai i tij është nga Kosova ndërsa nëna nga Tirana./Opinion.al
