Greqia ka njoftuar se në 24 orët e fundit janë regjistuar 342 raste të reja me koronavirus, nga të cilat 22 u zbuluan pas kontrolleve në hyrje të vendit.
Ndërkohë që kanë ndërruar jetë 53 persona, duke e çuar numrin e viktimave në 4 606. Nga këta 1868 (40.6%) ishin gra dhe pjesa tjetër burra.
Ndërsa numri i përgjithshëm i rasteve të infektuar që nga fillimi i pandemisë ka shkuar në 135456, nga të cilat 52.4% janë burra, raportojne mediat greke.
Sipas autoriteteve greke 469 qytetarë grekë po trajtohen në terapi intesive. Mosha mesatare e tyre është 67 vjeç. 150 (32.0%) janë gra dhe pjesa tjetër janë burra. 80.2% e pacientëve të intubuar kanë një sëmundje bashkëshoqëruese ose janë të moshës 70-vjeç e lart. Ndërsa 857 pacientë kanë lënë spitalet COVID brenda 24 orëve të fundit./Opinion.al
