Ditën e sotme Kryetari i Partisë Demokratike, Lulzim Basha ka marrë pjesë në Asamblenë Politike të Partive Popullore Europiane, e cila i zhvillon punimet online.
Basha është shprehur në fjalën e tij se Shqipëria ndodhet në situatë të rënduar shëndetësore për shkak të COVID-19, ndërsa ka theksuar se qeveria “Rama” nuk ka marrë masat e duhura dhe se ka keqmenaxhuar këtë situatë.
Kreu i PD ka kërkuar ndihmën e vendeve anëtare të BE, që janë pjesë e PPE, për të asistuar Shqipërinë me furnizimin me vaksina kundër COVID-19.
“Shqipëria ndodhet sot në krizë të thellë ekonomike, papunësia është rritur dhe shumica dërrmuese e qytetarëve nuk e perballojnë dot blerjen e medikamenteve anti-COVID, të cilat fatkeqësisht në Shqipëri, janë me çmime më të larta se në çdo vend tjetër. Ndihma e vendeve tuaja me vaksina anti-COVID, në çfarëdo sasie që të jetë, është mëse e mirëpritur, dhe ne do t’ju jemi gjithmonë mirënjohës. Vendi im dhe qytetarët e mi, janë në një situatë tejet të vështirë, e cila sa vjen dhe po përkeqësohet. Prandaj, ju lutem na ndihmoni në këto kohë tejet të vështira”- është shprehur Basha./ Opinion.al
