Një 53-vjeçar, banues në Irlandë, është arrestuar nga policia e Durrësit, pasi i dha pasaportën e djalit të tij një 18-vjeçari, që të kalonte kufirin.
Autoritetet njoftojnë se 18-vjeçari, A.B., ka tentuar të kalojë kufirin me pasaportën irlandeze duke shfrytëzuar ngjashmërinë fizike.
“Specialistët për Hetimin e Trafikut të Paligjshëm në DVP Durrës arrestuan në flagrancë shtetasin A. H., 53 vjeç, banues në Irlandë, pasi i ka dhënë pasaportën irlandeze të djalit të tij, shtetasit A. B., 18 vjeç, i cili ka tentuar të kalojë në PKK Durrës me këtë pasaportë, duke shfrytëzuar ngjashmërinë”, njofton policia.
Materialet i kaluan Prokurorisë së Rrethit Gjyqësor Durrës, për veprime të mëtejshme. /Opinion.al
