Përfaqësuesja e opozitës parlamentare, Rudina Hajdari foli me tone të ashpra pas takimit të Këshillit Politik për Reformën Zgjedhore. Ajo u ndal te çështja e sistemit zgjedhor ku theksoi se asnjërës prej partive të mëdha nuk i intereson ndryshimi i sistemit.
Sipas saj gjatë mbledhjes, megjithëse kishin debatuar për tre orë, përfaqësuesi i LSI, Petrit Vasili dhe ai i mazhorancës, Damina Gjiknuri, kishin folur në një zë kur ishte diskutuar çështja e sistemit zgjedhor.
“Këta i shkelin syri njërit tjetrit. Qershia mbi tortë ishte kur Gjiknuri foli në emër të Vasilit, kishin 3 orë që debatonin, por kur erdhi puna për sistemin, Gjiknuri tha ky e tha opinionin e tij.
Kryetarët kanë 30 vite në pushtet ulen në tryeza për të ndarë hesapet. E kam thënë që në 14 janar do vazhdoj betejën për ndryshimin e sistemit se besoj se në këtë vend nuk ka liri e demokraci. Unë jam kthyer në Shqipëri për këto dy parime, për të forcuar lirinë e demokracinë, nuk kam gjetur liri se kur shpreha mendimin në kuvend u quajta tradhtare dhe nuk kam gjetur demokraci se kemi në pushtet një autoritar që nuk lëshon pe.
Shqiptarët e duan këtë betejë, ndaj i ftoj të më bashkohen, ndryshe do ngeleni në duart e tyre që duan interesin e tyre, ata i kanë gjërat e tyre në rregulloj por i harrojnë shqiptarët, cdo grua, nënë student që s’ka shpresë të më bashkohet në këtë betejë për të ndryshuar sistemin zgjedhore, momenti është tani të dashur shqiptarë, po bëjmë një reformë zgjedhore. Sa herë që flitet për ndryshimin e sistemit zgjedhor, këta i shkelin syrin njëri-tjetrit dhe i bëjnë bisht. Për sa kohë që janë listat e deputetëve, këta e kanë kryer misionin e tyre. Dhe merren me diskutime që s’kanë interes për qytetarët shqiptar. Unë kam ardhur në Shqipëri vetëm për të forcuar dy parimet, lirinë dhe demokracinë”, shprehet ndër të tjera Hajadri. /Opinion.al
