Vetëm pak kohë më parë çifti Camila Cabello dhe Shawn Mendes kanë bërë publike lidhjen e tyre të dashurisë. Gjatë intervistës së saj më të fundit për “The Tonight Show Starring Jimmy Fallon”, këngëtarja ka treguar sesi kanë qenë fillesat e lidhjes me Mendes.
Për Cabellon muajt e parë të lidhjes ishin të çuditshëm, pasi nuk dinte sesi duhej t’i thërriste të dashurit te saj të ri.
“Ishte pak e çuditshme në fillim. M’u deshën 2 muaj që unë të filloja e ta quaja atë zemër. Nuk mundesha. Nuk doja të thosha emrin e tij, sepse ishim në një lidhje, por nuk doja as t’i thërrisja zemër dhe prandaj i thërrisja ‘hej, ti’… Është e çuditshme, por është mirë”, -ka thënë Camila.
Ata janë njohur rreth 6 vite më parë në një turne të Austin Mahone dhe Camila ka rrëfyer se edhe në atë kohë kishin ndjesi për njëri-tjetrin, por nuk e kuptonin sepse ishin të vegjël në moshë./Opinion.al/
