Shqipëria do të bojkotojë ceremoninë e ndarjes së Çmimeve Nobel. Këtë fakt e ka kanë njoftuar përmes një deklarate ambasada e Shqipërisë në Suedi.
Ky vendim i marrë nga Ambasada e Shqipërisë në Suedi vjen si protestë “kundër përkrahjes dhe mbështetjes që z. Handke i ka dhënë Sllobodan Millosheviçit, këtij kasapi të Ballkanit, i cili urdhëroi masakra të shumta gjatë shpërbërjes së Jugosllavisë”.
“Ambasadori i Shqipërisë do të bojkotojë pjesëmarrjen në ceremoninë e dhënies së çmimit. Ai e ka marrë ketë vendim mbi të gjitha për të shprehur solidaritetin me vuajtjet e asaj kohe të vëllezërve shqiptarë në Kosovë, të cilët e pësuan tepër rëndë nga gjenocidi serb i Millosheviçit”, -shkruhet në njoftimin e publikuar nga kjo Ambasadë./Opinion.al/
KOMENTO (0)
