Këngëtarja Selena Gomez flet shpesh në media për periudhat e saj të vështira. Këtë herë ajo ka qenë e ftuar në një emision ku është shprehur për periudhën e vështirë që ka patur kur përjetonte bullizëm për pamjen e saj të jashtme.
Në atë kohë Gomez ka rrëfyer se ka patur probleme me shëndetësore dhe diçka e tillë reflektohej edhe në trupin e saj.
“Më kanë tallur për herë të parë për trupin kur pata luhatje të peshës. Kisha lupus, probleme me veshkat dhe presion të lartë gjaku, ndaj duhet të përballsha me probleme të mëdha me shëndetin. Këtu e kuptova se sa ndikim kishte pamja e jashtme. Asokohe më ndikoi shumë dhe më shqetësoi për një periudhë kohe.”– rrëfeu këmgëtarja.
Aktualisht ajo është në qendër të vëmendjes mediatike pasi ka publikuar dy produksioneve muzikore të dedikuara lidhjes së saj të dikurshme me këngëtarin Justin Bieber./Opinion.al/
