34-vjeçari Redjan Rraja, është personi i arrestuar në lidhje me atentatin ndaj prokurorit Arjan Ndoja, Andi Malokut, shoferi i tij dhe Landi Muharremi, i njohur si “i forti i Sukthit”, apo me pseudonimin “Rumi”. I riu nuk është një emër i panjohur. Ai është kushëriri i Rexhep Rrajës, djalit të deputetit të PS, Rrahman Rraja
34-vjeçari, me profesion stomatolog, ka qenë i arrestuar edhe më herët por i liruar nga Gjykata. Ai e mohon të jetë përfshirë në atentat. Por hetuesit thonë se janë gjetur gjurmët e ADN-në në maskën brenda Benz-it ngjyrë gri, që u përdor në atentat.
Me profesion stomatolog, ai u përfshi dhe në vrasjen e ndodhur në vitin 2016, ku u ekzekutua Elton Çiço, 36 vjeç, banues në Tepelenë. Akuza e prokurorisë në atë kohë ishte se kishte kryer veprën penale të “veprime që pengojnë zbulimin e të vërtetës”, në lidhje me vrasjen e mikut të tij, Elton Çiço.
Rraja u akuzua se kishte fshehur armën që mbante viktima Çiço, si dhe telefonin, për të fshehur informacione të tjera.
Dy vite më pas, emri i Redjan Rrajës shfaqet në çështjen “Xhisiela”, ku i përfshirë ishte kushëriri i tij, Rexhep Rraja. Ky i fundit është djali i deputetit të Partisë Socialiste, Rrahman Rraja.
Oficeri Emiljano Nuhu përmendi emrin e Redjan Rrajës si një prej nipërve të deputetit Rraja që e kishte kërcënuar për shkak të hetimeve që po kryente pas denoncimit të shtetases Xhisiela Maloku. Xhisiela akuzonte djalin e deputetit se dhunonte vazhdimisht, ndërkohë që ajo kërkonte t’i jepte fund lidhjes./ Opinion.al
