Pasi doli në një konferencë urgjente për mediat në lidhje me arrestimet e disa krerëve të PD të qarkut të Elbasanit, Lulzim Basha ka thirri një takim me aleatët e tij në selinë blu.
Pas takimit për mediat foli kryetari i Partisë Republikane, Fatmir Mediu. Ai tha se arrestimet e fundit të kryera ndaj protestuesve të PD po na kthejnë në diktaturë. Ndër të tjera shtoi edhe se Edi Rama po e kthen Shqipërinë hapa pas në rrugën drejt BE. Sa i përket zgjedhjeve Mediu tha se ato do të zhvillohen vetëm pasi Rama të japë dorëheqjen nga kryeministër dhe se protestat opozitare do të vazhdojnë.
“Nëqoftëse Edi Rama e gjeti Shqiperine me viza te liberalizuara tashme po shkojme hapa mbrapa duke u kërkuar heqja e tyre” tha Mediu.
Më vonë në orën 18:00 Basha do të zhvillojë një mbledhje të jashtëzakonshme me kryesinë e Partisë Demokratike, Kolegjit te Kryetareve dhe Kryetareve te Bashkise për të vendosur rreth aksionit politik që do të ndërmarrë opozita e bashkuar gjatë këtyre ditëve, duke paralajmëruar kështu një tjetër protestë.
“Caktimi i detajeve te vijimit te aksionit politik, si dhe reagimi i PD pas arrestimeve politike te drejtuesve te PD ne qarkun Elbasan”, është tema e rendit të ditës që shkruhet në njoftimin e PD.
Kujtojmë se mes të arrestuarve në protestën e Librazhdit janë kryetari i Degës së PD-së Librazhd Bujar Vreto, ish-deputeti Aurel Bylykbashi, sekretari i PD Librazhd, Erlind Gurra, kreu i PD Përrenjas Arjan Karriqi, si dhe sekretari i PD Prrenjas, Leonard Ozuni. /Opinion.al
