Nuk kishte ndodhur më parë. Katër anëtarët socialistë të Komisionit Qendror të Zgjedhjeve që dolën kundër dekretit të Presidentit Ilir Meta për anulimin e zgjedhjeve duke vijuar normalisht punën. Por ajo që ka çuditur gazetarët ishte fakti se ata janë marrë në mbrojtje nga një staf special i Gardës së Republikës.
Sipas burimeve katër anëtarët janë marrë në mbrojtje pas kërkesës që vetë ata i kanë bërë Ministrisë së Brendshme pas situatës së re. Prej ditës së djeshme n/kryetari i KQZ-së, Denar Biba dhe anëtarët Bledar Skënderi, Edlira Jorgaqi dhe Rezarta Bitri janë nën mbrojtje.
Të hënën, në të njëjtën ditë që Presidenti Meta firmosi dekretin për anulimin e datës së zgjedhjeve, kreu i KQZ-së braktisi mbledhjen, ndërsa socialistët që kanë shumicën thanë se vendimi i Kreut të Shtetit ishte nul.
Ndërkohë presidenti një ditë më parë ripërsëriti se zgjedhjet për pushtetin vendor do të mbahen në një datë tjetër dhe jo më 30 Qershor, duke ju kundërpërgjigjur në këtë mënyrë qëndrimit të shumicës por dhe vendimit të Komisionit Qendror të Zgjedhjeve. Nga na tjetër këtë të mërkurë Meta do të nis konsultimet me partitë politike për të caktuar një datë të re për zgjedhjet.
RENDI I DITËS SË KQZ
1. “Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019”.
2. “Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të datës 30 qershor 2019”.
3. ‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019”.
4. “Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019”.
5. “Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019”./ Opinion.al
