Nënkryetari i Kuvendit, Myslym Murrizi doli në një konferencë për mediat në emër të grupit parlamentar të Partisë Demokratike dhe atij të pavarur. Në fjalë e tij Murrizi bëri një apel palëve politike, kryesish mazhorancës për të ndryshuar sistemin zgjedhor.
Përsa i përket zhvillimeve të ditës së sotme në lidhje me nismën e Partisë Socialiste për të shkarkuar Presidentin Meta, Murrizi u shpreh vendimin për ta votuar ose jo shkarkimin cdo deputet duhet të vendosë individualisht.
“Ne nuk jemi pjesë e marrëveshjes së 17 majit. Secili deputet ka dinjitetin e tij, kauzën e tij dhe të grupeve respektive, ndryshimin e sistemin zgjedhur. Asnjë në karriget e Kuvendit nga 2009 nuk është i zgjedhur nga shqiptarët” tha Murrizi
Megjithatë Murrizi nuk ishte dakord se kriza politike mund të zgjidhej me shtyrjen e datës së zgjedhjeve dhe e cilësoi si ‘shpikje allashqiptarçe’ dekretin e presidentit.
Ai u shpreh më tej se në 30 qershor do të ketë votime por jo zgjedhje sepse nuk ka alternativë. /Opinion.al
