Dy persona janë arrestuar nga policia, pasi përmes mashtrim i kanë marrë një shtetaseje një shumë parash për legalizimin e një ndërtimi pa leje dhe për njohjen e një sipërfaqeje trualli.
Në pranga kanë rënë B. P., 36 vjeç dhe O. S., 31 vjeç, këta dy persona në bashkëpunim me njëri-tjetrin kanë mundur të marrin shumën e parave prej 27 780 euro dhe 985 000 lekë.
Arrestimi i tyre u bë në kuadër të operacionit të koduar “Impostors”, në të cilën u pëfshinë Seksioni për Hetimin e Krimit Ekonomik dhe Financiar dhe Prokuroria e Rrethit Gjyqësor Tiranë.
Mbi të arrestuarit rëndon akuza Mashtrimi”, ndërsa autoritetet po vijojnë hetimet për të zbuluar nëse janë përfshirë dhe persona të tjerë në këtë skemë mashtrimi.
Njoftimi i policisë
Tiranë – Operacion policor i koduar “Impostors”.
Operacioni nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.
Në pranga dy shtetas, të cilët me anë të mashtrimit, i kanë marrë një shtetaseje një shumë në lekë dhe euro, për legalizimin e një ndërtimi pa leje dhe për njohjen e një sipërfaqeje trualli.
Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, në kuadër të operacionit policor të koduar “Impostors”, ndaloi shtetasit:
- P., 36 vjeç, lindur në Tiranë;
- S., 31 vjeç, banues në Tiranë.
Shtetasit e mësipërm në bashkëpunim me njëri-tjetrin, me anë të mashtrimit, i kanë marrë një shtetaseje një shumë prej 27 780 euro dhe 985 000 lekë, për legalizimin e një ndërtimi pa leje dhe për njohjen e një sipërfaqeje trualli.
Materialet procedurale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm për veprën penale “Mashtrimi”, të parashikuar nga neni 143/3 i Kodit Penal./ Opinion.al E.Xh.
