Çifti i njohur i showbizit botëror Orlando Bloom dhe Katy Perry u lidhën në fejesë pak kohë më parë. Tashmë duket se kanë nisur përgatitjet për dasmën e tyre. Sipas burimeve afër çiftit ata nuk dëshirojnë një dasëm të madhe, por diçka intime dhe të vogël.
Kjo është arsyeja se përse çifti nuk dëshiron të publikojë detaje rreth ceremonisë.
“Ata janë shumë të lumtur që u fejuan dhe po planifikojnë martesën. Ata po tregohen shumë të rezervuar për detajet, por duket se duan diçka të vogël dhe shumë intime. Gjithashtu Katy dhe Orlando duan të krijojnë një familje bashkë”,-janë shprehur burime pranë çiftit të njohur.
Bloom dhe Perry u fotografuan në festivalin “Coachella” duke shëtitur dhe duke u puthur me njëri-tjetrin. Pas shumë ulje e ngritjeve që ka patur lidhja e tyre ndër vite, duket se tashmë çdo gjë është rregulluar për ta./Opinion.al/
