Qeveria miratoi kontratën e koncesionit për ndërtimin e aeroportit të Kukësit. Lajmi është bërë i ditur nga ministrja e Infrastrukturës dhe Energjisë, Belinda Balluku.
Koncesioni do të jepet për 35 vjet dhe kompania, që është një bashkim i shoqërive “Global Technical Mechanics” dhe “Bami” sh.p.k do të investojnë 8 milionë euro.
Por cilat janë këto dy shoqëri? “Global Technical Mechanics” ka si drejtues 26-vjeçarin Ridgers Mema. Sipas të dhënave nga Qëndra Kombëtare e biznesit kapitali i saj është 3 milionë lekë dhe është themeluar në 28 mars 2017.
“Bami” sh.p.k nga ana tjetër ka si administrator Besnik Bamin dhe është themeluar në gusht të vitit 1999 dhe ka si kapital 355 milionë lekë.
(Për të parë gjithë aktivitetin si dhe sa janë rritur fitimet e kësaj shoqërie në vitet e fundit klikoni KÊTU)
Nisja e ndërtimit në këtë aeroport do të gjenerojë fillimisht 220 vende të reja pune, ndërsa pas vënies në operim llogariten që të punësohen 12 mijë persona.
“Nga përllogaritjet dhe kryqëzimi i të dhënave të projekteve të ngjashme, mbështetur dhe në destinacionet e ndërtimeve që do të kryhen, numri i punonjësve që do të punësohen pritet të shkojë në rreth 12 mijë persona në fazën finale të realizimit të këtij projekti”, tha ministrja e Infrastrukturës Belinda Balluku./Opinion.al
