Është hequr simboli i 100-vjetorit të Pavarësisë, monumenti i Shqiponjës. Sheshit në hyrje të Tiranës tashmë i ka mbetur vetëm emri, pasi “Shqiponja” simbol i tij do të shkojë për skrap. Po po për skrap! Ajo nuk do të vendoset më në asnjë shesh në Tiranë dhe këtë e ka vendosur vetë Edi Rama.
Jo pak herë ai na ka treguar se nuk është vetëm shefi i ekzekutivit, por edhe shefi i kulturës, kuratori, piktori “artisti” i madh që nuk i pëlqen asgjë tjetër veç vizatimeve të veta.
Triumfator Rama poston një foto të Shqiponjës që rrëzohet dhe shkruan në twitter:
“Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund rrëzohet”
Pra për Edi Ramën kjo shqiponjë është e shëmtuar dhe kaq mjafton për ta shkatërruar. Asnjë skulptor a kurator i veprave të artit nuk ka folur kurrë nga 2012 e deri më sot se kjo vepër ishte e pavlerë.
Ka folur thjesht Edi Rama, që nuk nguroi ta tregojë arrogacën as kësaj radhe, thjesht dhe vetëm për faktin se Shqiponja ishte vendosur aty nën kujdesin e qeverisë “Berisha”.
/R.Dedaj-Opinion.al
Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund? pic.twitter.com/mMfnEa9US2
— Edi Rama (@ediramaal) November 11, 2018
