Shumë studentë universitetesh të pyetur se ku informohen, janë përgjigjur “në internet”. Padyshim, po saktësisht ku në internet?
Sipas një vëzhgimi të 5844 studentëve të universiteteve, nga Fondacioni Knight, 72% thonë se i lexojnë lajmet në rrjetet sociale. Një përqindje shumë më e vogël se kjo, rreth 32% i marrin nga uebsajtet e lajmeve si nytimes.com.
Përsa i përket metodës tradicionale, vetëm 15% e studentëve dëgjojnë lajme nga televizori. Pak a shumë e njëjta përqindje vlen edhe për radion, rreth 14 %. Pra, pjesa më e madhe mbështeten te rrjetet sociale. Por te cili rrjet social shkojnë ata?
Deri tani, Facebook është burimi më popullor i lajmeve në rrjetet sociale. Çdo javë, 71% e studentëve universitarë lexojnë lajme aty. Ndërsa 45% e tyre lexojnë lajme çdo ditë në Facebook.
Çdo javë, 54% e studentëve i dëgjojnë lajmet nga Youtube. Kjo është pak më shumë se 51% që i lexojnë apo i dëgjojnë nga Instagrami. Po Snapchat?
Një pjesë jo e vogël e të përgjigjurve thanë se lexojnë lajme në Snapchat më shumë se çdo platform tjetër, përveç Facebook. Vetëm 1.6% e studentëve thanë se nuk lexojnë lajme nga rrjeti social./Opinion.al
