Një sherr mes vëllezërve të mitur në fshatin Baltëz të Fierit ka përfunduar në tragjedi për familjen. Gjyshi i 13-vjecarit që u qëllua për vdekje me thikë nga vëllai i tij 10-vjecar ka treguar ngjarjen e rëndë.
Në një rrëfim për ‘BalkanWeb’ gjyshi thotë se lajmin per vdkjen e nipit e mësoi nga spitali, pasi ishte për vizitë. Ai rrëfeu se fëmijët nuk kishin shkuar në shkollë dhe ishin vetëm në shtëpi, pasi prindërit ishin në punë në Vlorë.
“Lajmin për nipin e mësova në spital, se isha për vizitë. Pashë makinën që erdhi me shpejtësi dhe aty kuptova se çfarë kishte ndodhur. Pashë nusen që zbriti dhe e pyeta çfarë kishte ndodhur. Djemtë kishin qenë vetëm në shtëpi dhe ishin zënë në oborr. Prindërit ishin në punë në Vlorë. Fëmijët nuk kishin shkuar në shkollë sot, ndërsa doktorët më thanë se nipi erdhi i pajetë në spital”– ka treguar gjyshi.
Sipas policisë, nga hetimet paraprake dyshohet se pas një grindje me njëri tjetrin, vëllai i vogël, i mituri K.Veizi, 10 vjeç, ka marrë thikën dhe e ka goditur vëllain 13-vjecar. Si pasojë e plagëve të mara, i mituri Gj.Veizi ndërroi jetë në Spitalin e Fierit.
