Gjykata e Apelit Shkodër të mërkurën ka dënuar me burg Vilson dhe Damjan Ndokën, nipat e ish-deputetit të PS-së Arben Ndoka.
Pas 29 seancash gjyqësore, Gjykata vendosi dënim me 3 vjet heqje lirie për Damjan Ndokën dhe 8 vite për Vilson Ndokën.
Mbrojtja kërkoi ndryshim të akuzës, nga vrasje e mbetur në tentativë në kanosje. Një gjë e tillë nuk u pranua nga Gjykata e Apelit Shkodër.
Dy kushërinjtë Ndoka kanë tentuar të vrasin me armë Fatmir Nikollin. Ngjarja është regjistruar në 16 shtator 2014 në Lezhë.
Nikolli ishte kthyer në Shqipëri pas 6 vitesh emigracion në Itali me qëllim dhënien e provimit të maturës.
Nga breshëritë e automatikut është plagosur rastësisht edhe Lindita Gjoka./Opinion.al
