Ish-Kryeministri Sali Berisha i rikthyer mbrëmjen e djeshme në studion e “Opinion” bëri disa deklarata të rëndësishme që morën gjithë vëmendjen e mediave por edhe të publikut, siç e tregoi dhe shifra e audiencës. Por, mes tyre, kaloi pa shumë vemendje një gjë e rëndësishme që ai e tha me të qeshur në fund të emisionit.
Teksa u pyet nga Ervis Iljazi se pse opozita është kthyer në “zyrë prokurorie” dhe nuk ka alternativë, ndërhyri Lorenc Vangjeli, duke i kujtuar Berishës përgjigjet që ka nxjerrë PD-ja. Berisha u përgjigj se ka dalë ekspertiza për zërin e vëllait të ministrit Xhafaj, shtetasit Agron (Geron) Xhafaj. Berisha premtoi se së shpejti do të ketë lajme për këtë histori, dhe madje përmendi edhe emrin e drejtorit të Policisë së Shtetit, Ardi Veliu.
Më poshtë ju sjellin replikat e mbrëmshëm në Opinion për audio-përgjimin:
Lorenc Vangjeli: Me punën e përgjimeve, a nuk jeni bërë si çiftet dikur, që përgjoheshin çiftet dmth?
Sali Berisha: Do kesh një lajm shumë shpejt…
Vangjeli: Për kë?
Berisha: Për Alfred Veliun?
Vangjeli: Për…?
Berisha: Për zërat…
Vangjeli: Për cilat zëra?
Berisha: Jo, jo do kesh një lajm…e more vesh se doli zëri i Fatmirit?
Fevziu: Një sekond, i kujt?
Berisha: I Fatmir Xhafës
Fevziu: Si doli?
Berisha: Origjinal me atë të Ardi Veliut, vëllait të tij (Agronit) se e ngatërrova. U bë ekspertiza, por e fshehin.
Rakipllari: Ku u bë ekspertiza?
Berisha: Pyet pra
Fevziu: E keni lajm të sigurt?
Berisha: Po lajm sigurisht, ja pyet atë (tregon me dorë nga Lorenc Vangjeli). E di ai po nuk e thotë
Vangjeli: Jo, jo une e di ndryshe.
Berisha: E di ti e di, e ke marrë vesh se ka ardhur.
/Opinion.al
