Postimi i fundit në “Twitter”, i modeles Chrissy Teigen i ka habitur të gjithë. Modelja e cila është në pritje të fëmijës së dytë me këngëtarin e baladave John Legend, shprehet e irrituar për faktin që foshnja e lë të uritur duke e quajtur “monstër”.
“Ky bebi po ma merr jetën. Pi ujin tim, më lë të etur. Ha ushqimin tim, më lë të uritur. Më merr shëndetin tim, më bën të sëmurem. Pse i sjellim në jetë këta monstra që duan të na vdesin”, shkruan Chrissy me shaka.
Modelja është në pritje të një djali. Gjininë ajo e zbuloi me një postim nga çmimet Grammy ku shkruante “Mami dhe djali”. Chrissy Teigen dhe John Legend kanë edhe një vajzë me emrin Luna.
