Makina e një efektivi policie në qytetin e Vlorës, është përfshirë nga flakët mëngjesin e sotëm. Automjeti tip “Benz”, i shtetasit DH.N, ka marrë flakë ndërkohë që ishte i parkuar. Ende nuk dihen shkaqet e zjarrit, ndërsa policia po kryen hetimet e nevojshme.
Njoftimi policisë
Më datë 09.10.2017 rreth orës 02:50, Salla Operative Vlorë është njoftuar prej shtetasit Dh.N., (Punonjës Policie me funksion ndihmës/specialist zone në Komisariatin e Policisë Vlorë), se automjeti i tij tip Benz, i parkuar përpara shesh/pushimit të pallatit ishte përfshirë nga flakët.
Në vendngjarje kanë shkuar shërbimet e policisë, grupi hetimor si edhe shërbimi zjarrëfikës, ku këta të fundit kanë bërë të mundur shuarjen e flakëve.
Grupi hetimor vijon punën për përcaktimin e shkakut të rënies së flakëve të zjarrit në automjet.
