Nëse ende nuk i keni bërë pushimet dhe çdo gjë e keni planifikuar për muajin gusht ne ju tregojmë se çfarë thotë parashikimi i motit për këtë muaj.
Temperaturat do t’ju favorizojnë për të frekuentuar plazhet në të gjithë vendin. Java e pare e gushtit sjell te nxehtin Afrikan dhe temperatura mbi 40 grade C.
Sipas parashikimit të Meteoalb, vala e të nxehtit afrikan godet sërish vendin tonë duke bërë që moti i kthjellët dhe i nxehtë të jetë prezent.
Nuk përjashtohen mundësitë për shira të përkohshëm në zonat verilindore dhe juglindore. Temperaturat më të larta priten ditën e martë dhe të mërkurë mbi 40 gradë C. Deri në datat 8 – 9 gusht nuk priten shumë ndryshim të tyre. Parashikohet që 10-ditëshi i dytë i gushtit të sjellë temperatura normale të muajit, vlera 32 – 33 gradë C.
Pritet që muaji gushti 2017 të mbetet i thatë, por do të ketë 2 – 3 ditë me reshje të pakta. Krijohet mundësia për shira të pakët, por jo në të gjithë territorin në datat 6 – 8 gusht, ndërsa rritet mundësia për shira në datat 10 – 12 gusht. /opinion.al
