Zyrtari i LSI, reagoi sot pas deklaratës së Kryeministrit që u mbështet dhe nga ministri i Brendshëm i PD se kemi emrat dhe do arrestojmë trafikantët e drogës. Luan Rama i bën thirrje Kryeministrit dhe ministrit Demiraj të zbatojnë ligjit, ti çojnë emrat në prokurori.
Statusi në facebook i Luan Ramës
Kryeministri e më pas edhe Ministri i Brendshëm, deklaruan se disponojnë një listë me 124 emra të implikuarish në veprimtarinë kriminale të kultivimit e trafikimit të drogës në Shqipëri!
Kaq nuk mjafton!
Si funksionarë të lartë të shtetit ata duhet ta dinë se e kanë për detyrë të veprojnë në zbatim të ligjit duke kryer si hap të parë dërgimin e listës së emrave dhe të të gjithë të dhënave që kanë në Prokurori!
Ndërkaq, Prokuroria, nëse nuk e ka bërë, duhet të nisë menjëherë procedurat që ligji e detyron, për hetimin dhe fillimin e çeshtjes penale për emrat e listës që disponon Kryeministri dhe Ministri i Brendshëm!
Shteti ka ligje dhe funksionon përmes zbatimit të ligjit!
