Analisti Andi Bushati, është shprehur se Sali Berisha është shantazhuar që të pranojë marrëveshjen Rama-Basha. Më tej Bushati tha në studion e Rakipit se Berisha është kapur peng nga socialistët dhe po pranon që t’i shkrihet PD para sysh.
“Basha u fut në disa pirueta, ku në çadër bëri radikalin dhe doli nga çadra dhe bëri pulën. Deri këtu themi Lulzim Basha i shkreti i paaftë kaq dinte kaq bëri. Berisha e mbante nën tutelë Bashën. Fakti që Berisha pranoi që t’i hiqeshin që të gjithë bashkëpunëtorët e tij pranoi gjithë atë marrëveshje mund të themi se ai u dorëzua. Nga ana tjetër Berisha bashkë me djalin u paraqitën në komisionin hetimorë për CEZ.
Unë kam një hipotezë, kjo humbje është pritur sepse Sali Berisha është kapur peng. Prandaj Sali Berisha po përjeton nje gjendje te rende, dhe po i shkrihet PD para sysh. Basha do të shkojë në koalicion me Ramën dhe Berisha do të votojë për Ramën kryeministër” tha Bushati.
Ndërsa nga ana tjetër analisti Fatos Lubonja u shpreh se “PD-ja hyri në çadër pasi e dinte që do të humbiste. PD nuk ka humbur vetëm nëpërmjet Lulzim Bashës, por edhe blerja e votës ka qenë një nga shkaktarët.
Sipas mendimit tim ai duhet që t’i hapte rrugën disa radikalëve në çadër, që i thonin se nuk duam të shkojmë në çadër por në Parlament.
Përndryshe, për të ruajtur sa më shumë vota ai duhet ta bënte transparente gjithë këtë zgjedhje për sa i përket marrëveshjes. Ai mund tu thoshte që kjo është marrëveshja urdhëroi shkoni në Parlament dhe unë dorëhiqem. Është një lider i dështuar nga të gjitha pikëpamjet”.
