Leisteri i është afruar ndjeshëm kalimit në turin tjetër të Ligës së Kampioneve, pasi me tre fitoret e siguruara deri tani në po aq ndeshje të luajtura është e vetmja skuadër me pikë të plota në turne.
Goli i Mahrez i dha mundësinë skuadrës së Ranierit të siguronte sot një fitore ndaj Kopenhagës, e cila ruajti vendin e dytë në Grupin G, ku ka pikë të barabarta me Porton.
Kjo e fundit mundi 21 me përmbysje Bryzhin falë një goli me penallti të Andre Silva në minutën e 91. Në grupin F, ashtu siç pritej, Reali dhe Dortmundi kanë siguruar fitore për të vazhduar rrugëtimin të shkëputur.
Më e thjeshtë ishte puna e madrilenëve, me suksesin 51 ndaj Legias së Varshavës në një takim të dominuar plotësisht, ndërsa Borusias iu desh të djersinte për të marrë tri pikët në fushën e Sporting Lisbonës dhe ia doli vetëm falë dy golave të realizuar në pjesën e parë të takimit.
Të qetë drejt turit tjetër ecin edhe Juventusi me Seviljen, të cilët fituan 10 në ndeshjet e treta në grup. Goli i Nasri i mundësoi spanjollëve të merrnin një sukses jo të lehtë në fushën e Dinamos së Zagrebit.
Ndërsa Juventusi u mundua shumë për të marrë fitoren në fushën e Lionit në një ndeshje ku vendasit humbën një penallti dhe nuk përfituan as nga kartoni i kuq i Lemina në fillimin e pjesës së dytë.
Më i luftuar mbetet Grupi E, ku barazimi 11 mes CSKA Moskës dhe Monakos si dhe ai 00 mes Bajer Leverkusen e Totenehem, ka lënë grupin në ekuilibër të plotë.
