101-vjeçarja Hatixhe Halla, e cila u dhunua nga i biri i saj në Bulqizë, ka rrëfyer para oficerëve të policisë ngjarjen. Sipas të moshuarës, dhuna ndaj saj ishte sistematike dhe i biri, Faik Halla, e rrihte sa herë të donte.
Ajo ka vazhuar në dëshminë e saj se i vinte turp ta denonconte. 101-vjeçarja e ka justifikuar dhunën e të birit, me faktin se atij i kanë humbur jetën dy djemtë e tij dhe prej kohësh nuk ishte mirë.
Madje sipas Hatixhe Hallës, herë pas here të birin e nxiste bashkëshortja që ta dhunonte. Ndërkohë 55-vjeçari ka mohuar akuzat e ngritura, duke sqaruar se nuk e ka rrahur nënën e tij.
Ai ka pranuar konfliktin që ajo ka me bashkëshorten e tij, por jo se e ka goditur. Faik Halla ka akuzuar komshinjtë e tij se kanë sajuar një histori të tillë, me pretendimin se ai u ka prishur qetësinë, pasi konsumon pije alkoolike. Pritet që ditën e martë ai të dalë para Gjykatës së Dibrës për t’u njohur me masën e sigurisë.
Tv Klan
