Mjekë, elektricistë dhe teknikë, kërkohen të punësohen për një vit në polin e Jugut me një rrogë prej 7.000 euro në muaj.
Burimet njerëzore kërkohen për pjesëmarrje në një ekspeditë në Antarktidë në stacionin Concordia, e vendosur në ekstremin jugor të planetit, nga nëntor i këtij viti e deri në nëntor të vitit 2017.
Thirrja e parë dhe dytë sapo është publikuar në faqen online të kompanisë Enea dhe për të aplikuar ka afat deri më 13 qershor.
Perspektiva
Për rreth një vit, perspektiva do të jetë pak a shumë kjo: Së pari, do të jeni të izoluar nga pjesa tjetër e botës, do të jetoni në temperatura që mund të arrijë edhe -80 gradë, me ngushëllimin se një dit mund të thoni: “Atje kam qenë unë” dhe të kujtoni eksperiencën e vetmuar për pjesën tjetër të jetës. Por, bashkë me ju do të do jenë edhe të paktën edhe 15 kolegë të tjerë. Dhe çështjet shkencore që do të diskutohen aty, do të jenë të dobishme për gjithë njerëzimin. Aty do të kryhen eksperimente të ndryshme, madje edhe për misionet e ardhshme në Mars, raporton syri.net.
Pagesa
Për periudhën pjesëmarrëse në mision, pagesa do të jetë 245 euro në ditë, pra në një muaj më shumë se 7.000 euro.
Kush mund të marrë pjesë
Për të marrë pjesë në këtë ekspeditë, sipas njoftimit të kompanisë, kriteret janë të vështira t’u kaluar dhe mbi të gjitha thirrja për aplikim i drejtohet personave që punojnë në një kompani. Personat që kërkohen të punësohen janë: ekspertë në fushën e elektronikës, teknikë informatike, elektricistë dhe mjekë të specializuar në trajtimin e rasteve të emergjencave.
