TIRANE-Edi Rama ka replikuar sërish sot me Albina Dedën dhe deputetët e tjerë të PD-së, pas vendimit të Byrosë për të dënuar ata.
Albina Deda pretentoi se ishte ofenduar nga Kryeministri Edi Rama pasi ajo e qëlloi me një letër të lagur në seancën e së enjtes.
Në reagimin e tij, Rama thotë se batutën nuk e kisha për të, por për burrat e parlamentit.
Statusi i Ramës në Facebook
Keqardhje për zonjën deputete që abuzohet nga partia e saj, me pretendimin se e quajta monstër kur në fakt i thashë motër!
Këtë e dëgjuan të gjithë. E dëgjoi zonja e dëgjuan edhe burrat, që medemek u revoltuan nga humori im dhe qëlluan me vezë, a thua se vezët i pollën në sallë kur fola unë.☺
Dhe pikërisht pse ata qëlluan me vezë (e jo zonja që kishte bërë një top me pako sheqeri të lagur), replika “gjinekologjike” nuk ishte për zonjën, po për burrat vezëlëshues!
Pasi bënë 24 orë të revoltuarit pa lidhje, kanë 24 orë që po bëjnë të fyerit pa lidhje. Të kesh në vend të opozitës qeverinë e vjetër, është fakt i trishtueshëm i jetës demokratike. Por të kesh përballë qeverinë e vjetër duke kaluar një ezaurim nervor, është edhe më keq. Eshtë e dhimbshme.
