Një ditë pas dakordësisë së arritur me ndërmjetësimin e ambasadorëve Donald Lu dhe Vlahutin, opozita u rikthye në tryezën e eskpertëve të nivelit të lartë për reformën në drejtësi.
Për ekspertët puna ka nisur nga e para dhe gjithçka duhet të jetë gati brenda të martës pasi është afati që drafti do t’i kalojë Komisionit të posaçëm të Reformës në Drejtësi. Pas takimit eksperti Gent Ibrahimi tha për mediat se është diskutuar për procedurën dhe në parim për disa nga çështjet që palët ndajnë qëndrime të ndryshme.
Por edhe në ato raste kur palët do të kenë këndvështrime të ndryshme në Komision do të shkojnë me një draft, por me dy opsione.
Pasi drafti t’i kalojë Komisonit të posaçëm të Reformës në Drejtësi do të dërgohet për opinion Komisionit të Venecias.
Tv Klan
