Miratimi i buxhetit dhe pushimi i përkohshëm i protestave të opozitës, duket se i ka relaksuar socialistët në parlament, të cilët kanë gjetur këtë mbrëmje kohën për të ndarë një ndeshje minifutbolli midis njëri-tjetrit.
Si gjithmonë në ndeshjen mes tyre trofeun e golashënuesit më të mirë e ka marrë Bashkim Fino, i njohur si tifoz i skuadrës së Interit, por gjatë ndeshjes ka veshur uniformën e Bashkimit Europian.
Ndërkohë që pjesë e lojës ka qenë dhe Zëvendëskryeministri, Niko Peleshi, i cili është dëmtuar gjatë përballjes me deputetët.
Ndihma e parë i është dhënë nga Ministri i Shëndetësi, Ilir Beqaj, i cili ka veshur përparësen e infermierit.
Beqaj ka mbetur jashtë fushës, pasi futbolli nuk është sporti i tij. Përballjet e vetme i ka pasur në basketboll, dhe vetëm kur luan kryeministri Rama.
