Është e dyta herë brenda ditës që Edi Rama merret me burrat shqiptarë. E bëri në shpërndarjen e tapive të legalizimeve në zonën e Kamzës gjatë pasdites, por po kështu nuk la pa i thumbur edhe në takimin më mësueset gjatë mbrëmjes, organizuar në prag të festave. Rama u tha mësueseve: “Më falni që u zgjata kaq shumë. Qe më duroni jo për herë të parë. Pasi ju duhet të shkoni në shtëpi dhe të kujdeseni për burrat, tu bëni për të ushqyer, të kujdeseni që ata të mos dalin të shkujdesur…. Në fakt kjo nuk është hera e parë që Rama u ngacmon grave burrat në fjalimet e tij.
Jo më larg se në fillim të muajit Rama, në një takim me gratë në ditën e barazisë gjinore tha tekstualisht se:
“Realisht burrat dallohen për aftësinë që kanë për t’i thënë gjërat, sidomos kur duhet të justifikohen, pse nuk i bëjnë gjërat. Kurse gratë dallohen për aftësinë që kanë për të bërë gjërat dhe për një diferencë të madhe me burrat kur është fjala për t’u justifikuar. Pra justifikohen shumë më pak dhe bëjnë shumë më shumë.”
Më pas lëshoi bombën e madhe.
“Burrat janë përgjithësisht dembelë dhe parazitë, kurse gratë janë përgjithsëisht punëtore dhë të afta për të kompensuar parazitizmin e burrave të tyre. Mos më shikoni me habi. E ka thënë Çajupi shumë kohë më parë, atëherë kur të tjerët e dinin, por nuk guxonin ta thonin”
