Gjykata e Krimeve të Rënda ka lënë në burg tre pengëmarrësit e Shkodrës, të cilët për një javë mbajtën peng një person në fshatin Plan, të Dukagjinit. Tom Shkrepa, Lekë Shkrepa dhe Kol Dushku akuzohen për pengmarrje në bashkëpunim dhe kërcënimin me jetë dy vëllezërive Avni dhe Sulltan Kuçaj.
Kështu nga veprimet e prokurorisë ka rezultuar se, Sulltan Kuçaj dhe vellai i tij me date 21 nëntor janë takuar me shtetasit Pllumb Dushku, Tomë Shkrepa dhe Leke Shkrepa ne nje lokal ne fshatin Golem. Aty ka nisur një debat i fortë për një shumë prej 10 mijë eurosh që Pëllumb Dushku ua kërkonte dy vëllezërve Kuçaj, njëri prej të cilëve kishte qenë ndërmjetës për blerjen e një sasie droge nga një shtetas malazez.
Ndodhur ne keto kushte Pllumbi ka marre peng Sulltanin, ndërsa Avniun e la te lire si garanci per gjetjen e parave. Tre të arrestuarit e tjerë Tomë e Lekë Shkrepa dhe Kolë Dushku akuzohen se kanë shoqëruar pengun deri në dorëzimin e tij Pal Dushkut.
Në kërkim për këtë ngjarje janë edhe katër persona të tjerë Pal e Pëllumb Dushku dhe Françesk Vala e Zef Gjergji, të cilët e mbajtën Sulltan Kuçajn të izoluar në një stan në fshatin Plan të Dukagjinit.
