TIRANE- Ambasadori i SHBA-ve në Tiranë, Donald Lu i njohur për gjuhën e drejpërdrejtë të të shprehur ka deklaruar këtë të premte se reformën në drejtësi po e pengojnë ata që janë në krye të punëve. “Kush i trembet më shumë reformës në drejtësi? Unë e di kush, ministrat e korruptuar, deputetët kriminelë, gjykatësit e paaftë, dhe prokurorët që marrin paratë tuaja kur nuk e ndjekin penalisht dikë”, u shpreh ai.
Ai tha më tej se SHBA mbështesin të gjitha propozimet për reformën në drejtësi dhe kjo reformë duhet të largojë gjykatësit dhe prokurorët e korruptuar dhe të paaftë dhe do të krijojë shansin e parë për krijimin e një sistemi të pavarur nga ryshfeti, njerëzit e fuqishëm dhe krimi i organizuar.
