Spanja dhe Zvicra janë ekipet e kualifikuar në finalet e Euro 2016 nga ndeshjet e zhvilluara të shtunën duke e çuar në 9 numrin e skuadra që e kanë arritur këtë qëllim. Një mbrëmje plot gola ku këto përfaqësuese ishin më të suksesshmet edhe pse me kudërshtarë të një niveli të ulët. Spanja mundi Luksemburgun me rezultatin 4 – 0, por për të shënuar golin e parë i janë dashur 42 minuta. Me këtë sukses ekipi kampion i Europës në fuqi siguron edhe vendin e parë, ndërsa Sllovakia dhe Ukraina duhet të luftojnë për vendin e dytë në Grupin C. Goleadë për Zvicrën që mundi me rezultatin 7 – 0 San Marinon. Një triumf që e çon këtë ekip në fazën finale të Europianit duke iu bashkuar Anglisë, që arriti fitoren e nëntë mbrëmë, 2 – 0 ndaj Estonisë. Për Zvicrën golat janë realizuar nga shtatë lojtarë të ndryshëm, mes tyre ishin edhe Mehmedi e Kasami. Në takimet e tjera veçohen fitoret e Rusisë 2 – 1 në fushën e Moldavisë dhe të Suedisë 2 – 0 në Lihtenshetjn. Njëra nga këto përfaqëusese do t’i bashkohet Austrisë në finalet e Euro 2016 pas zhvillimit të ndeshjeve të fundit.
