Ish-kryeministri, Sali Berisha, në një konferencë për mediat është shprehur se nuk do të ketë hatërmbetje mes tij dhe Gazment Bardhit, nëse ky i fundit nuk merr pjesë në Kuvendin Kombëtar të 2 Dhjetorit.
Berisha theksoi se grupi parlamentar është i bashkuar dhe këtë e dëshmon beteja në parlament.
“Grupi Parlamentar është i bashkuar, do e kuptojmë këtë si një proces. Është apo jo i bashkuar po e dëshmon beteja që po bëjnë në Parlament, e fshinë Parlamentin monist, e mbushën me bodyguard, e futën në zoom etj. Ishim bashkë aty kur Rama erdhi me autokolonë makinash sikur të ishte Kim Jong Un, jo si kryeministri i një vendi anëtar i NATO.
Grupi është simbol i qëndresës së PD, probleme të cilat nuk i injoroj janë në zgjidhje e sipër. Ky është një proces statutor, i nesërmi. Ka qëllim të përcaktojë për çdo demokrat projektin tonë, kjo është”, u shpreh ish-kryeministri.
I pyetur nga gazetarët a do të ketë hatërmbetje me Gazment Bardhin dhe deputetët që e mbështesin nëse nuk marrin pjesë në Kuvendin Kombëtar, Berisha u përgjigj se: “Dëshira është që të jenë, por absolutisht bashkëpunimi do të vazhdojë sikur kanë qenë në sallë.”
