Në emision “Opinion” të së hënës 23 tetor 2023, është diskutuar tema “Përse SPAK ndaloi Berishën?”.
Të shtunën rreth orës 18:00 të mbrëmjes, forcat e policisë arrestuan në aeroportin e Rinasit, Jamarbër Malltezin, dhëndrin e ish-kryeministrit Berisha. Po ashtu Gjykata Kundër Korrupsionit dhe Krimit të Organizuar vendosi për “detyrimin paraqitje” për biznesmenin Fatmir Bektashi, si dhe një akuzë të ngritur ndaj ish-kryeministrit Sali Berisha dhe një masë ndaj tij “detyrim paraqitje” dhe “ndalim i largimit nga Shqipëria”, për çështjen e privatizimit të kompleksit “Partizani”.
Të ftuar në studio për të folur mbi këtë temë kanë qenë: Klodiana Lala, Mark Marku, Plarent Ndreca, Artan Hoxha, Oerd Bylykbashi.
Ndërsa në pjesën e tretë është transmetuar një intervistë me RJ Mitte, një aktor amerikan që është pjesë e rëndësishme e serialit “Breaking Bad” në “Netflix”. Ai ishte në Tiranë në kuadrin e Javës Amerikane të Kulturës.
RJ Mitte është një person që ka dalë mbi kufizimet fizike për të luajtur një rol jo vetëm shumë të sukseseshëm, por edhe për t’u kthyer në një ambasador të rëndësishëm të njerëzve me aftësi të kufizuar. Intervista e tij për emisionin “Opinion” është shumë interesante, jo vetëm për ekeperiencën e tij, por edhe si njerëz të tillë mundohen të integrohen në shoqëri.
