Forcat e Mbrojtjes së Izraelit kanë publikuar një video të shkurtër të cilën e ofrojnë si dëshmi në mbrojtje të tyre se sulmi mbi spitalin e Gazës nuk ishte nga ana e tyre.
Në pamjet e videos prej 30 sekondash tregohet shpërthimi në spital i shkaktuar sipas tyre nga një lëshim i dështuar i raketës nga xhihadi islamik dhe jo një sulm ajror siç pretendohet.
Deri më tani, zyrtarët palestinezë kanë fajësuar Izraelin për bombardimin që besohet se ka vrarë qindra njerëz, ndërsa zyrtarët izraelitë thonë se shpërthimin e shkaktoi një raketë e lëshuar nga Xhihadi Islamik.
“Një lëshim i dështuar i raketës nga organizata terroriste Xhihadi Islamik goditi spitalin Al Ahli në qytetin e Gazës.
Pamjet e IAF nga zona përreth spitalit para dhe pas lëshimit të dështuar të raketës nga organizata terroriste e Xhihadit Islamik”, shkruhet pranë videos së publikuar.
Duke përdorur imazhe që tregojnë dëmtime nga zjarri në disa automjete në parkingun e spitalit, videoja e paraqitur nga IDF sugjeron se një zjarr shpërtheu në spital si rezultat i një lëshimi të dështuar të raketës nga grupi i Xhihadit Islamik. IDF shtoi se nuk kishte shenja të dukshme të kratereve apo dëmtime të konsiderueshme në ndërtesa që do të rezultonin nga një sulm ajror.
“Paketa e parë e informacionit” ishte “dëshmi që mbështet qartë faktin se nuk mund të ishte një bombë izraelite”, tha zëdhënësi i IDF-së Jonathan Conricus për CNN të mërkurën.
“Nuk ka pasur dëme kolaterale apo të konsiderueshme në ndërtesat përreth. Asnjë krater dhe asgjë që është e ngjashme me vendet ku kanë goditur bombat izraelite,” tha Conricus.
Conricus tha se IDF ishte e ngadaltë në lëshimin e informacionit sepse iu deshën orë të tëra që ushtria izraelite “të hetonte dhe të arrinte në fund të situatës”.
Nga ana tjetër, Hamasi ka mohuar pretendimet e Izraelit se një lëshim i dështuar i raketës është përgjegjës për sulmin, duke pretenduar se nuk përdor objekte publike si spitalet për qëllime ushtarake, sipas një deklarate me shkrim të botuar të mërkurën, e cila i përshkruan akuzat izraelite si “të rreme dhe të pabaza”.
A failed rocket launch by the Islamic Jihad terrorist organization hit the Al Ahli hospital in Gaza City.
IAF footage from the area around the hospital before and after the failed rocket launch by the Islamic Jihad terrorist organization: pic.twitter.com/AvCAkQULAf
— Israel Defense Forces (@IDF) October 18, 2023
