Kjo është fleta e votimit e miratuar nga KQZ për kandidatët për kryetar dhe Këshilla Bashkiakë për Bashkinë Tiranë.
Sikurse vihet re te fleta e votimit për Këshilltarë Bashkiakë, koalicioni ‘Bashkë Fitojmë do të qëndrojë pa emër kryetari në fletën e votimit.
Kjo praktikë është ndjekur për koalicionet.
“Në lidhje me plotësimin e përmbajtjes së fletës së votimit për subjektet zgjedhore për anëtar këshilli, kemi marrë konfirmim edhe nga koalicioni tjetër që nuk kanë interes të vendosin emrin e ndonjërit prej kryetarëve të partisë në fletën e votimit.” u shpreh Celibashi gjatë mbledhjes.
Më herët gjatë mbledhejs përfaqësuesi i Partisë Demokratike, Indrit Sefa, ngriti shqetësimin se përse fshihet emrin i Ilir Metës si drejtues i koalicionit ‘Bashkë Fitojmë”. “Ka ndonjëherë në historinë e KQZ që në fletën e votimit kur kemi të bëjmë me një koalicion të mos jetë vendosur emri i kryetarit. Ekziston ndonjëherë një precedent të tillë? Sa për informacion me ndryshimin e Kodit në vitin 2020 ka ndryshuar edhe strukturimi i KQZ. Dhe Komisioneri sigurish që ka praktika të tjera”, deklaroi Sefa.
