Kronikë

8 grabitje në Elbasan e Cërrik, kush janë dy personat e shpallur në kërkim


Bëhu pjesë e Grupit Zyrtar të Opinion.al
>> KËTU <<
               Publikuar në : 13:08 - 13/11/20 |
Opi Nion

Dy grabitës janë identifikuar dhe shpallur në kërkim nga policia, pasi kanë tentuar të vjedhin një banesë në fshatin në fshatin Seferan, në Belsh. Janë shpallur në kërkim shtetasit A. S., 47 vjeç dhe S. Sh., 27 vjeç, të dy banues në Elbasan, të dyshuar edhe për vjedhje të tjera në disa banesa në Elbasan, Belsh dhe Cërrik.

“Mbrëmjen e djeshme, me marrjen e njoftimit se po kryhej një vjedhje në një banesë në fshatin Seferan, Belsh, shërbimet e Policisë menjëherë kanë shkuar në vendngjarje duke parandaluar vjedhjen dhe janë vënë në ndjekje të mjetit të autorëve, të cilët pasi kanë konstatuar shërbimet e Policisë, duke përfituar nga errësira dhe pozicioni gjeografik, kanë braktisur automjetin dhe janë larguar me shpejtësi”, njofton policia.

Autoritetet njoftojnë se në cilësinë e provave materiale u sekuestruan, një automjet tip “Benz”, një palë targa, një aparat celular dhe disa sende personale të këtyre shtetasve.

Ndërsa, nga veprimet hetimore të kryera dyshohet se këta shtetas janë autorë edhe të 8 vjedhje të tjera të ndodhura në Elbasan, Belsh dhe Cërrik, gjatë muajit maj, shtator, tetor dhe nëntor 2020, konkretisht:

Më datë 18 maj në Cërrik, dyshohet se kanë vjedhur me thyerje dyqanin në pronësi të shtetasit S. R.;

Më datë 2 shtator, në fshatin Gracen, Elbasan, dyshohet se kanë vjedhur me thyerje banesën e shtetasit M. T.;

Më datë 20 shtator , në fshatin Kusarth, Elbasan, dyshohet se kanë vjedhur me thyerje banesën  e shtetasit Sh. P.;

Më datë 31 tetor, në fshatin Qafë Shkallë, Belsh, dyshohet se kanë vjedhur në banesën e shtetasit K. S.;

Më datë 19 tetor,në Cërrik, dyshohet se kanë vjedhur në banesën e shtetasit Sh. Z.;

Më datë 17tetor, në Belsh, dyshohet se kanë tentuar të vidhnin në magazinën ushqimore në pronësi të shtetasit Xh. H.,

Më datë 15tetor, në fshatin Guras, Belsh, dyshohet se kanë vjedhur me thyerje banesën e shtetasit B. H.;

Më datë 11nëntor, në Cërrik, dyshohet se kanë vjedhur në banesën E. P.

Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme procedurale./ Opinion.al

Pas