Kronikë

“Shqiponjat” kapin në flagrancë të riun, armë dhe drogë në makinë


               Publikuar në : 12:43 - 14/09/19 |
el ida

Policia ka arrestuar një 22-vjeçar që qarkullonte me armë zjarri, armë të ftohtë dhe lëndë narkotike. Në pranga ra i riu R. D., banues në Tiranë.

Punonjësit e policisë të Forcës së Posaçme “Shqiponja” njoftuan se kanë ndaluar për kontroll mjetin që drejtonte i riu. Gjatë kontrollit të ushtruar në sediljen e parë të mjetit është konstatuar një çantë krahu, brenda të cilës ndodheshin, një armë zjarri pistoletë “Glock Austria” me një krehër me dhjetë fishekë, një armë e ftohtë thikë dhe një sasi lënde e dyshuar kanabisi e ndarë në doza, të cilat u sekuestruan në cilësinë e provës materiale.

Materialet u referuan për veprime të mëtejshme pranë Prokurorisë së Rrethit Gjyqësor Tiranë për veprat penale “Mbajtja pa leje e armëve dhe e municionit luftarak”, “Mbajtja pa leje e armëve të ftohta”dhe “Prodhim dhe shitje lëndësh narkotike”./Opinion.al

 

Pas