Aktualitet

6 vjet nga Shenjtërimi i Nënë Terezës/ Si e përcjellin Begaj dhe Rama këtë ditë



Bëhu pjesë e Grupit Zyrtar të Opinion.al
>> KËTU <<
               Publikuar në : 09:01 - 05/09/22 |
Opi Nion

Si sot 6 vite më parë, më 5 shtator 2016, Nënë Tereza, u shpall shenjtore. Ajo është një nga figurat me origjinë shqiptare më të njohura në të gjithë botën për veprën e saj humaniste.

E në këtë ditë të veçantë, nuk kishin si të mungonin mesazhet e drejtuesve politikë në vend të cilët kanë përcjellë vlerësime për veprën e shenjtores shqiptare.

Presidenti Bajram Begaj

Presidenti Bajram Begaj shkruan se e sotmja duhet të jetë një ditë reflektimi për secilin nga ne për më shumë solidaritet për të afërmit dhe dashuri për njërin tjetrin.

“𝗦𝗵𝗲𝗻𝗷𝘁 𝗧𝗲𝗿𝗲𝘇𝗮 𝗲 𝗞𝗮𝗹𝗸𝘂𝘁𝗲̈𝘀, dëshmi e gëzimit, që buron nga dashuria për jetën dhe për madhështinë e dinjitetit njerëzor.

Bija shqiptare është simbol i mohimit të privilegjit vetjak dhe shërbimit të pakursyer ndaj të vuajturit, të uriturit, të pamundurit e të harruarit.

Në një botë, që rend drejt materiales, shembulli i saj na fton të shohim brenda vetes, brenda familjeve dhe shoqërive tona për të kultivuar dashurinë për tjetrin dhe vlerat më të mira shpirtërore të popullit tonë, të cilat Nënë Tereza i ka lartësuar si askush tjetër në botë. E sotmja duhet të jetë një ditë reflektimi për secilin prej nesh për më shumë solidaritet për të afërmin, dashuri për njëri-tjetrin dhe shërbim për vendin!”-shkruan Begaj.

Kryeministri Edi Rama

Kryeministri Edi Rama e ka nisur mëngjesin e sotëm duke publikuar një foto të shenjtores Nënë Tereza.

“Mirëmëngjes. Dhe në këtë ditë të shenjtërimit të gruas së paqes në botë, shqiptares nënë tereza, ju uroj një javë të mbarë”, shkruan Rama.

 

Pas