Bota

50 të vdekur nga shpërthimi i një kamioni me karburant në Haiti


Bëhu pjesë e Grupit Zyrtar të Opinion.al
>> KËTU <<
               Publikuar në : 18:50 - 14/12/21 |
Opi Nion

Të paktën 50 persona kanë mbetur të vdekur pas shpërthimit të një kamioni me karburant në Haiti. Shpërthimi ka ndodhur në një rrugë në qytetin e dytë më të madh të Haitit, Cap-Haitien gjatë natës, tha kryebashkiaku i qytetit të martën.

“Deri më tani situata është kritike sepse tashmë ka rreth 50 trupa të pajetë”, tha ai.

“Ne kemi nevojë për burime njerëzore, por edhe burime materiale, përkatësisht serum, garzë dhe çdo gjë që mund të përdoret në rast djegieje të rënda”-tha ai për Reuters.

Ndërsa mësohet se ende nuk dihet numri i përgjithshëm i të plagosurve.

Kamioni që transportonte benzinë ​​u përmbys rreth mesnatës në zonën e Samarit në skajin lindor të Cap-Haitien.

Shpërthimi dëmtoi gjithashtu pjesët e përparme të shtëpive dhe dyqaneve në rrugë dhe karbonizoi motoçikletat dhe makinat, thanë gazetarët e Reuters.

“Me dëshpërim mësova lajmin e hidhur të shpërthimit mbrëmë, në Cap-Haitien, të një kamioni cisternë që transportonte benzinë”,-shkroi kryeministri Ariel Henry në Twitter.

Ndërsa qeveria shpalli tre ditë zie për të vdekurit./Opinion.al

Pas