Aktualitet

34 mijë maturantë nisin provimet


Bëhu pjesë e Grupit Zyrtar të Opinion.al
>> KËTU <<
               Publikuar në : 18:53 - 02/06/21 |
Opi Nion

Këtë të enjte 33,930 maturantë do të nisin provimet e maturës. Provimi i parë është testi i gjuhës së  huaj, më 7 Qershor. Vijojnë me Gjuhën Shqipe dhe Letërsinë, më 11 Qershor do të zhvillohet provimin e i detyruar i matematikës dhe në ditën e fundit më 15 Qershor është provimi i lëndës me zgjedhje.

Provimet e maturës këtë vit do të rikthehen në strukturën e mëparshme, dhe jo si vitin e kaluar që ishin vetëm me alternativa. Pra maturantët do të kenë edhe pyetje me zhvillim përfshirë dhe esenë në provimin e Letërsisë.

Sipas rregullores, testi  për  secilin  nga  provimet  e  Maturës Shtetërore  vlerësohet  me  60   pikë maksimale dhe 20 prej tyre janë pyetje me alternativa. Pragu i kalueshmërisë është 25%. Sipas drejtuesve të Qendrës se Shërbimeve Arsimore testi nuk do përmbajë temat të zhvilluar gjatë mësimit online.

Sa i përket procesit të korrigjimit, tezat e provimeve do të korrigjohen me dy metoda.  Në mënyrë elektronike,me skanim, për pyetjet me alternativa, ndërsa pyetjet me zhvillim do të vlerësohen nga mësuesit që janë përfshirë në procesin e maturës.

Provimet e Maturës fillojnë në orën 10:00 dhe zgjasin 2 orë e 30 minuta. Përdorimi i maskave është i detyrueshme si për maturantët dhe mësuesit. Ndalohet marrja e celularit në ambientet e zhvillimit të provimit. Rezultatet e këtyre provimeve si dhe nota mesatare e tre viteve të gjimnazit përbëjnë peshën kryesore në garën për në universitet./ Klan News

Pas