Kryesore

33 vjet demostrata antikomuniste, Spahia:Shqipëria përballet me forma të reja të regjimit



Bëhu pjesë e Grupit Zyrtar të Opinion.al
>> KËTU <<
               Publikuar në : 16:18 - 14/01/23 |
el ida

Kryetari i Bashkisë së Shkodrës Bardh Spahia, ka ndarë në rrjetet sociale një mesazh pas përkujtimit në këtë qytet të demostratës së parë antikomuniste.

Ndërsa e cilëson Shkodrën si qytetin që në asnjë rrethanë dhe kohë nuk u pajtua me të keqen, Spahia shprehet se shembulli i lëvizjeve të para demokratike në Shqipëri është modeli më i mirë që brezi i ri duhet ta ketë udhërrëfyes.

“Shqipëria gjendet ende në udhëkryqe dhe po përballet me forma të reja të regjimit, që vijnë të kamufluara nga bijtë dhe pasardhësit e bllokut”, shprehet ai në një postim në Facebook.

Postimi i plotë

14 JANARI 1990 është një datë e shënuar për Shkodrën dhe Shqipërinë!

Përkujtuam 33- vjetorin e të parës demostratë antikomuniste në Shqipëri, që nisi nga Shkodra, qyteti i cili në asnjë rrethanë dhe kohë nuk u pajtua me të keqen. Mirënjohje dhe nderim për të gjithë djemtë dhe vajzat që atë ditë ishin aty dhe guxuan të sfidojnë një nga regjimet më barbare.

Guximi dhe besimi që kishin brenda tyre qytetarët e Shkodrës ishte më i fortë se çdo gjë tjetër dhe për të tilla ideale e vendosmëri kemi nevojë edhe sot. Shqipëria gjendet ende në udhëkryqe dhe po përballet me forma të reja të regjimit, që vijnë të kamufluara nga bijtë dhe pasardhësit e bllokut. Është detyra jonë të mos harrojmë të shkuarën dhe të punojmë për të mos rrezikuar të ardhmen. Shembulli i lëvizjeve të para demokratike në Shqipëri është modeli më i mirë që brezi i ri duhet ta ketë udhërrëfyes!

 

 

Pas