-Jetë dhe Stil

27 vite si embrion i ngrirë, vjen në jetë vogëlushja Moli


Bëhu pjesë e Grupit Zyrtar të Opinion.al
>> KËTU <<
               Publikuar në : 17:45 - 03/12/20 |
el ida

Edhe pse Moli Gibson është një muajshe ajo mund të kishte lindur në çdo moment përgjatë këtyre 27 viteve. Fetusi i saj ishte ngrirë në Tetor të vitit 1992 dhe qëndroi ashtu deri në Shkurt të vitit 2020, kur Tina Gibson nga Tenese në SHBA, e adoptoi.

Vlerësohet se Moli vendosi një rekord të ri për jetëgjatësinë e një fetusi të ngrirë që arriti të vijë në jetë, duke thyer rekordin e  vendosur më parë nga motra e saj më e madhe, Ema.

Tina e solli në jetë vogëlushen Moli në Tetor, 27 vite pasi fetusi ishte ngrirë dhe është shumë e lumtur. Ajo kishte tentuar prej 5 vitesh për të patur një fëmijë dhe më pas kishte marr në konsideratë adoptimin tradicional.

Por një ditë çifti Gibson mësoi përmes kanaleve televizive lokale, mundësinë e adoptimit të një embrioni. Tina mbajti kështu embrionin e Emës dhe Molit, që u transferuan në mitrën e saj.

Ema, më e madhja lindi në Nëntor të vitit 2017 duke vendosur rekordin e parë të embrionit të ngrirë më jetëgjatë, plot 24 vjet.

Përpara rekordit të vendosur nga Ema dhe Moli, kishte pak informacion lidhur me mundësitë e embrioneve kaq të vjetër. Sipas mjekëve 75%  e embrionëve të dhuruar mbijetojnë në procesin e transferimit dhe vetëm 25 – 30% e tyre arrijnë të finalizohen me sukses./Opinion.al

Pas