Shqipëria u godit të martën, nga një tërmet u fuqishëm, me magnitudë 6.4, që tronditi thuajse të gjithë vendin, duke shkaktuar fatkeqësisht më shumë se 20 viktima, dhe disa qindra të tjerë të plagosur.
Zona e Thumanës ishte një nga më të goditurat. Rashela Shehu, gazetarja e TV Klan në një lidhje direkte nga Thumana për emisionin Opinion, tregoi historinë e trishto të një djali që humbi betejën në minutat e fundit.
“23-vjeçari është viktima e tetë që shënohet në Thumanë. Ai ka zhvilluar një betejë të gjatë ditën e sotme, ka qenë në komunikim të vazhdueshëm me ekipet e emergjencës. Ekipet e emergjencës kanë patur dijeni për vendndodhjen e tij. Këmbët e tij kanë qenë të izoluara, në një nga panelet e pallatit”, tha gazetarja.
Sipas saj frika është e madhe për disa persona që konsiderohen të zhdukur.
“Vijon operacioni edhe në këto momente, sipas burimeve jo zyrtare thuhet se ka persona të zhdukur. Janë rreth 15 persona që besohet që janë ende nën rrënoja të paktën në 3 pallate që janë shkatërruar plotësisht”./ Opinion.al
